सोलापूर : मराठी साहित्य परिषदेच्या (मसाप) येथील शाखेमार्फत मसाप शाखाप्रमुख आणि साहित्यिकांशी वार्तालाप व लेखक-वाचक संवादाचे आयोजन करण्यात आले होते. हा कार्यक्रम २१ ऑगस्टला सायंकाळी निर्मलकुमार फडकुले सभागृहात झाला.
या वेळी सुहास पुजारी, योगिराज वाघमारे, ल. सि. जाधव, डॉ. श्रुती वडगबाळकर, मारुती कटकधोंड, राजेंद्र भोसले, बदीउज्जमा बिराजदार, गिरीश दुनाखे आदी उपस्थित होते. डॉ. किशोर सानप यांनी अखिल भारतीय मराठी साहित्य संमेलनाच्या अध्यक्षपदासाठी निवडणूक लढविणार असल्याचे जाहीर करून आपली भूमिका स्पष्ट केली.
लक्ष्मीनारायण बोल्ली, डॉ. गो मा. पवार, माई पवार यांच्या निवासस्थानी जाऊन डॉ. किशोर सानप, प्राचार्य कविता सानप, राजेंद्र भोसले यांनी सदिच्छा भेट घेतली. २२ ऑगस्टला लातूरच्या दयानंद महाविद्यालयात डॉ. किशोर सानप यांचे व्याख्यान झाले. त्यानंतर दुपारी डॉ. नानासाहेब सूर्यवंशी यांच्या लोहा महाविद्यालयाला त्यांनी सदिच्छा भेट दिली. सायंकाळी सहा वाजता नांदेड येथे निर्मलकुमार सूर्यवंशी यांच्या कार्यालयात लेखकांशी वार्तालाप कार्यक्रम झाला.
